पूर आठवणींचा
आठवणी साचलेल्या
काळजात ओथंबलेल्या
आठवणी पेटलेल्या
होरपळून निघालेल्या
आठवणी भरजरी
मखमली पेटीत जपलेल्या
आठवणी हळूवार
अलगद हातांनी टिपलेल्या
आठवणी पहिल्या स्पर्शाच्या
नकळत लाजलेल्या
आठवणी मीलनाच्या
हृदयात साठलेल्या
आठवणी पावसाच्या
मनात कोसळणा-या
आठवणी सरींच्या
चिंब चिंब भिजवणा-या
आठवणी थंडीतल्या
उबदार कुशीतल्या
आठवणी पहाटॆच्या
गार गार वा-यातल्या
आठवणी विरहाच्या
पिळावटून निघालेल्या
आठवणी भेटीच्या
मोहरून निघालेल्या
आठवणींचे मोहळ
अनावर तो कोसळ
आठवणींचे वादळ
भावनांचा कल्लोळ
आठवणींचा वावर
ओला गहिवर
आठवणींचा आसरा
मनाचा गाभारा
जयश्री
1 comment:
hi, sagaLaa..blog ekaa damaat vaachun kaadhalaa... simply great..sundar..!!! ashich lihit rahaa..!!!sagaLyaa kavitaa apratim kashaa kashalaa.. daad dyaavi..asaa prashn padalaay..!!!
Post a Comment