वृत्त – चंपकमाला
गालल गागा | गालल गागा
मर्द गड्याची हिंमत जेव्हा
या जगण्याला किंमत तेव्हा
सावज होते गाफिल जेव्हा
पारध त्याची निष्ठुर तेव्हा
सोबत पैसा पुष्कळ जेव्हा
मित्र सभोती केवळ तेव्हा
दु:खद होतो शेवट जेव्हा
काळिज होते व्याकुळ तेव्हा
विकृत होते हे जग जेव्हा
भीषण होते शोषण तेव्हा
पातक होते हातुन जेव्हा
शासन व्हावे तत्पर तेव्हा
जयश्री अंबासकर
No comments:
Post a Comment