Saturday, January 27, 2007

झाड वयात आलेले

मायबोलीवर "झाड वयात आलेले" ह्या ओळीवरुन चक्क जुगलबंदी झाली होती....त्यातला हा माझा सहभाग..........

रंगसोहळा झाडाचा
नेत्र अनिमिष झाले
दृष्ट लावू नका कोणी
झाड वयात आलेले

जाग हळू पानी आली
सारे जग धुंद झाले
यौवनाचा भार साहे
झाड वयात आलेले

कशा परी लपविते
सोनसळी हा बहर
नेत्री साठवते तुझे
झाड वयात आलेले

नको भिती या ग्रीष्माची
नको बावरु असा तू
ऊन जपेल जपेल
झाड वयात आलेले

कळी कळी फुलारली
पान पान हे लाजले
फांदीतून उमटले
सूर गोड ते गोजिरे

काय विपरीत झाले
काय विपरीत झाले
अहो....... झाड वयात आलेले
झाड वयात आलेले

जयश्री

3 comments:

Anonymous said...

मस्तच.अतिशय नेमक्या शब्दात वर्णन केलेय झाडाचे मोहरणे.

कळी कळी फुलारली
पान पान हे लाजले
फांदीतून उमटले
सूर गोड ते गोजिरे

ह्या ओळी विशेष आवडल्या.

प्रमोद देव.

HAREKRISHNAJI said...

One small request and suggession, When somebody does write a comment on your blog, please respond to that comment.

ani said...

Mala awadali tumachi kawaita! ti vachun mazehi netra animish zale. agadi mazya navapramane.