किती श्वास द्यावे नि घ्यावेत नक्की
किती श्वास बाकी उरावेत नक्की
कसा काय साबित गुन्हा व्हायचा तो
पुरावे किती स्पष्ट द्यावेत नक्की
झुरावे, झुकावे….गुलामी करावी
अपेक्षा तुझ्या काय आहेत नक्की
न ओळख कुणाची न अनुबंध कुठले
कसे सूर जुळले असावेत नक्की
तुझे बंद डोळे उघडण्यास अजुनी
किती क्रूर अपराध व्हावेत नक्की
असावी किती ओल नात्यात अपुल्या
किती खोल अंकुर रुजावेत नक्की
किती क्लेश देतोस रे पांडुरंगा
किती भोग बाकी असावेत नक्की
जयश्री अंबासकर
No comments:
Post a Comment