Wednesday, March 21, 2018

काही मला कळेना


तरही मिसरा - भूषण कटककर

सारेच मित्र होते, एकांत का टळेना
(माझ्याशिवाय कोणी, माझ्याकडे बघेना)

कोट्यावधी कमवला, पैसा, जमीन, जुमला
उपभोग ह्या सुखाचा, घेणे मुळी जमेना

वाटेत भेटलेले, टाळून सर्व गेले
मदतीस मात्र कोणी अजिबात सापडेना

सलगी करुन गेला, तू सूर छेडलेला
आले कशी समेला, काही मला कळेना

नजरेत ओल होती, हृदयातही उबारा
आधार का कुणाचा, होणे मुळी जमेना

जयश्री अंबासकर





No comments: