Wednesday, May 20, 2015

तुझ्यामुळे

आज चांदणे भरात आहे तुझ्यामुळे
आज पौर्णिमा मनात आहे तुझ्यामुळे

मंद गारवा हवेत आहे जरा जरा
रात्र वाटते खुशीत आहे तुझ्यामुळे

आज सावरु नकोच ना रे सख्या मला
आसमंत हा नशेत आहे तुझ्यामुळे

रंग तू मला दिलेस इतके नवे नवे
इंद्रधनुष ही कवेत आहे तुझ्यामुळे

श्वास बावरा उरात धडधड पुन्हा पुन्हा
कैफ केवढा जिण्यात आहे तुझ्यामुळे

जयश्री अंबासकर

No comments: