Monday, November 19, 2012

नाविन्याची साद

कालचं रोमँटिक वातावरण, अचानक आलेला पाऊस, मित्रांची फरमाईश आणि झालेली कविता ..... :)

सुटला पहाट वारा
अंतरात सळसळ  
मन सुगंधी सुगंधी
पसरला दरवळ
     
नको स्वप्नातून जाग      
नको जाग इतक्यात    
नीज हलके हलके    
पुन्हा आली पापण्यात

कसा मुजोर हा वारा
रेंगाळला खिडकीशी 
पावा मंजुळ मंजुळ
जणु कृष्णाचा कानाशी

मन सैरभैर झाले
वेडावले, खुळावले
कृष्ण रंगाने रंगाने  
चिंब चिंब भिजवले

रेशमाच्या सोनसरी      
आला सोबती घेऊन   
ओला पाऊस पाऊस
ढगातून उतरून

सतरंगी झाले नभ
धरा पाचूने नटली      
ऊन कोवळे कोवळे  
पसरली गोड लाली  

आज सृष्टी देते हाळी
ऐक नाविन्याची साद  
सुख दारात दारात
दे तयाला प्रतिसाद.

जयश्री 

3 comments:

makore said...

तुझे छान छान गाणे
मी हसून वाचले
मला आवडले आवडले
मन खुपच नाचले
मदन

Fox Thinker said...

हार्दिक अभिनंदन.. आपल्या लेखनाने प्रभावित होऊन आम्ही आपल्या ब्लॉगचा समावेश मराठी वेब विश्व वर केला आहे.
अधिक माहितीसाठी भेट द्या.

www.Facebook.com/MarathiWvishv
www.MWvishv.Tk
www.Twitter.com/MarathiWvishv


धन्यवाद..!!
मराठी वेब विश्व - मराठीतील सर्व संकेतस्थळे एकाच छताखाली..
आम्ही मराठीतील प्रत्येक संकेतस्थळावरील हालचाल समस्त वाचकापर्यंत पोहोचवण्याचा प्रयत्न करतो.


टिपंणी प्रकाशित केल्याबद्दल आभारी आहोत..!!

जयश्री said...

धन्यवाद मदन :)

Fox Thinker ....खूप खूप आभार :)