ओसाड राजमार्ग

सोपं जगायची सवय झाली की ....

कठीण उत्तरं नकोशी होतात

थोडीशी बेरीज, वजाबाकी करुन

उत्तरं कशीबशी जुळवता येतात.

उगाच ती क्लिष्ट आकडेमोड कशाला

सापडतोच कुठला तरी वशिला

चढ उतार नकोच असतात

आडवळणं मग शोधली जातात

तीच वाट दाखवतो पुढच्या पिढीला नकळत

आडवळणाचेच बनत जातात..... राजमार्ग नकळत

मिरवत जातो दिमाखात त्याच मार्गावरुन

खरी वाट सोयिस्करपणे विसरुन

सवयी त्याच अंगवळणी पडतात

आणि खरे राजमार्ग ओसाड पडतात.

जयश्री