Tuesday, August 23, 2022

माणसे

जाती उगाच मोठ्या करतात माणसे
द्वेषात आंधळ्या मग लढतात माणसे

प्रत्यक्ष दूर असुनी कळतात माणसे
हृदयात खोल काही वसतात माणसे

अपयश बघून काही हरतात माणसे
गळफास आवळूनी मरतात माणसे

ईर्ष्या मनात धरुनी डसतात माणसे 
नागाहुनी विषारी बनतात माणसे 

पैसाच मित्र असतो म्हणतात माणसे
कवटाळुनीच त्याला जगतात माणसे 

खुर्चीस घट्ट धरुनी बसतात माणसे
सत्तेवरी कशाने चळतात माणसे 

नसतो कुणीच योगी असतात माणसे
मोहात वासनेच्या पडतात माणसे 

✍जयश्री अंबासकर 

No comments: