फिदा...

माझं आणखी एक नवीन हिंदी रोमॅंटिक गाणं !!

Singer, Composer - Nikhil Iyer

Lyrics - Jayashree Ambaskar

 

वृत्त - स्त्रग्विणी

नवा डाव

पाहिले मी तुला, तू मला पाहिले

प्रीतिचे कोवळे, बीज अंकूरले

आणभाका दिल्या, जीव आसूसले

आर्जवी बोलणे, लाघवी भासले

सोबती राहणे, गोड जे वाटले

सोबती राहता, ते कडू जाहले

प्रेम जे वाटले, ओसरू लागले

प्रेम होते कसे, आकळू लागले

पाशवी पाश ते, आवळू लागले

रंग स्वप्नातले, काजळू लागले

संयमी बांध ते, कोसळू लागले

दु:ख डोळ्यातुनी, पाझरू लागले

खेळ होता तुझा, मी तुझे खेळणे

हार माझी सदा, नी तुझे जिंकणे

रोजची भांडणे, तेच संतापणे

रोज खंतावणे, रोज कोमेजणे

संशयी कोष तू, भोवती आखले

श्वास मी ना कधी, मोकळे घेतले

हाय मी पोळले, हाय आक्रंदिले

भोग माझे जणू, सोसले, भोगले

दूषणे, टोमणे, मी किती ऐकले

मी बिचारी कशी, एवढी जाहले

बंध मी कोरडे, तोडुनी टाकले

मोडला डाव मी, मोकळी जाहले

एकटी मी अता, एकटे चालणे

एकटीने नवे, डावही मांडणे

भासले ना कधी, कोणतेही उणे

होय स्वीकारले, एकटे मी जिणे

जयश्री अंबासकर

ही कविता माझ्या आवाजात तुम्हाला Youtube वर ऐकता येईल.

तुम्हाला कविता आवडली तर नक्की Like, Comment आणि Share करा

आणि अशाच आणखी कविता ऐकायच्या असतील तर माझ्या चॅनेल ला नक्की Subscribe करा

समझा करो...

 

दिल तो पागल है यारो समझा करो
थोडा घायल है यारो समझा करो

जश्न है जिंदगी कभी, कभी चुप है
इश्क दाखिल है यारो समझा करो

दिल ने समझा के प्यार है उनको
दिल तो जाहिल है यारो समझा करो

ख्वाबों में अब तो खनक होने लगी
उनकी पायल है यारो समझा करो

उनकी नजरोंके तीर दिल पे चले
इश्क कातिल है यारो समझा करो

इश्क में हम भी तो बरबाद हुए
वरना काबिल है यारो समझा करो

जिंदगी कितनी खूबसूरत है
वो भी शामिल है यारो समझा करो

जयश्री अंबासकर

कुछ खास है

वृत्त - विधाता

 

वृत्त – विधाता

मात्रावली – २ ८ ४, २ ८ ४

ती वाट पाहते दारी, तो उशीर करतो भारी
ती होते मग हिरमुसली, तो नेतो हसण्यावारी
नसते का त्याची सुद्धा,  तेवढीच जिम्मेदारी
बाहेर जाउया म्हणतो, मग यावे वेळेवारी

ठरलाच किती दिवसांनी, हा बेत कालचा नाही
ती तयार होउन बसते, तो लवकर येतच नाही
का उशीर झाला त्याला, मग विचार काही बाही
पण नसते पर्वा त्याला, चुकले न वाटते काही

राखावी त्याने मर्जी, कधि त्यालाही वाटावे
राखावी त्याची मर्जी, का तिलाच हे वाटावे
का त्याने ना समजावे, का तिनेच समजुन घ्यावे
का त्याला हे न कळावे, दोघांनी समजुन घ्यावे

तो कमावतो अन भक्कम, आधार घराला देतो
ती घरात राहुन अपुले, सर्वस्व घराला देते
त्याचे चुकते कि तिचेही, की तकलादू हे नाते
कारण छोटेसे घडते,  पण सारे बिनसत जाते

डोक्यातिल विचारभुंगा, नात्यास पोखरत जातो
नात्याचे ओझे होते, नात्यास अर्थ ना उरतो
संवाद एकमेकांचा, कायमचा थिजून जातो
एकांत जीवघेणा तो,  मग भकास केवळ उरतो.

जयश्री अंबासकर

तुम्हारी यादें

 

अहान

कधीतरी तू यावे अवचित चकीत व्हावे मी 

तुला पाहुनी माझ्या शशुल्या खुशीत यावे मी

आईचा मग हात सोडुनी दुडुदुडु धावत तू

मला बिलगुनी करत रहावे "आज्जी-आज्जी" तू

किलबिलता मग तुझाच वावर बघत रहावा मी

तुझ्या बाललीला बघताना रंगुन जावे मी

तुझा खाउ अन तुझी खेळणी,  तुझ्या हवाली मी

हरखुन जाणे तुझे राजसा निरखत राहिन मी

टपोर डोळ्यातील कुतूहल कसे टिपावे मी

तुझे निरागस हसणे रुसणे जपत रहावे मी

असाच मी अनुभवत रहावा वावर लडिवाळ

खडीसाखरी बोबडबोली नजर खोडसाळ

काळ जरासा थांबुन जावा तुझ्यासोबतीचा 

रोज रोज हा उत्सव व्हावा असाच जगण्याचा

स्वप्नरंजनी किती रमावे भानावर येते 

"आज्जी" म्हणुनी तुझी हाक अन कानावर येते

तुझी आज्जी 🤗🥰

तुम्हारी यादें

वृत्त - मंजुघोषा

आसवांचा कोणता व्यवहार झाला अन सुखाचा केवढा भडिमार झाला बोलली ती हसुन थोडी मोकळी अन जग म्हणाले “काय हा व्यभिचार झाला”

नववधूचे खूप त्याने हाल केले होय त्याचा तो अता अधिकार झाला श्रेष्ठ कुठला देव ह्याचा वाद होता त्याच मुद्द्यावरति हिंसाचार झाला एकदा त्याने भितीने साथ केली अन गुन्ह्याचा खुद्द भागीदार झाला

जयश्री अंबासकर

११ मार्च २०२१

सुख शोधताना