Wednesday, March 10, 2010

ऋतू येत होते


ऋतू येत होते ऋतू जात होते
परी मी सख्याच्याच ध्यासात होते

सखा आज येणार माहीत होते
नजारे तसे आसमंतात होते

तिन्ही सांज आली उन्हे पेटवूनी
धुमारे तिच्या मंद श्वासात होते

कसा गंध वाहे पुन्हा तो फिरुनी
निराळेच अंदाज वा-यात होते

कसा रंग येईल त्या मैफ़लीला
तुझे सूर सारेच मौनात होते

कशाला हवी पौर्णिमेची मुजोरी
इथे चांदणे बाहुपाशात होते

जयश्री

3 comments:

आशिष देशपांडे said...

Chaan Zaliye Kavita timachi

उल्हास दादा मोहिले said...

sundar

जयश्री said...

धन्यवाद आशिष आणि उल्हास :)